أحبك وحبك ماخلى لغيرك مكان .. أحبك حب ماله بالدنيا مثيل
أحبك وحبك صار لي عنوان .. أنا أشهد حتى الحب في حقك قليل
ياحياتي ودي أضمك وسط الأعيان .. ياحياة الروح ما أبدل بك بديل
أنت الغلا وأنت أعذب الألحان .. وأنت راحتي من كل هم ثقيل
أحبك وحبك داخل القلب سكان .. أحبك ما عليّ من القال والقيل
الحب في الناس وطن وفيك أوطان .. حبك يرد الروح في جوف القتيل
أني سجين وأنت لي السجان .. حتى أملي عيوني بشوفة الرمش الضليل
ما أبي غيرك من البشر لو كان ما كان .. أنت وبس وغيرك ما أبي منه مواصيل
شوفتك تروي كل من كان ضميان .. ولمسة يدينك تشفي منهو عليل
والله ما خلق ربي مثلك أبد إنسان .. سبحان رب صور بالحلا هالتفاصيل
أترجاك يارب ياعظيم الشان .. تحرسه وتحميه من شر الأيام المقابيل
وصفته وخجلت من وصفه كل الأوزان .. حتى القلم من حسنه عيا يسيل
وش عاد حالي وانا متولع به وهيمان .. وميت في هواه ياناس بالحيل
ودي أسوي له من الحب ديوان .. ودي أضوي دروبه شموع وقناديل
ربي يحرسه من كل حاسد وشيطان .. ويخليه شمعة تضوي ليلي الطويل
صحيح من قال ان الحب سلطان .. وانا اشهد إن حبك ملكني ياعذب التعاليل
0 التعليقات:
إرسال تعليق